東道主之一嘅加拿大將喺多倫多展開2026年世盃決賽周之旅。主帥馬殊麾下球員背負舉國上下極高期望，佢哋過去兩次殺入世盃決賽周，分組賽6戰全敗，至今仲等緊史上第1分。文:禾確特
波斯尼亞繼2014年後再次亮相，歷史上第2次殺入世盃決賽周。巴巴斯領軍下錄得8場不敗，包括世盃外附加賽先後淘汰威爾斯及意大利。
東道主如意算盤打唔響
加拿大焦點落在隊長艾方素戴維斯（只要佢冇受傷）以及頭號前鋒約拿芬大衞身上，不過約拿芬大衞喺祖雲達斯陷入低迷，全季僅入8球。今屆賽事預計會係波斯尼亞老牌前鋒迪斯高生涯最後一項大賽，迪米洛域同超新星巴積拉克達列域將全力輔助佢爭取「士哥」。
雖然加拿大防守力強兼有地利，牌面稍佔上風，但波斯尼亞關鍵時刻嘅經驗同深厚板櫈深度更優勝，對我嚟講，呢場比賽可能係今屆世盃首場冷門，外界普遍睇好加拿大贏波，但我認為波斯尼亞將會反客為主，打破東道主如意算盤，爆冷全取3分。
同場過關推介：
波斯尼亞半場勝[1:0] & 波斯尼亞全場勝[2:0]