今日日職前列大戰，神戶勝利船主場硬撼鹿島鹿角。雖然兩軍都有亞冠精英盃後顧，但勝利船連場報捷弗到爆，撞正兩連敗嘅鹿角，仲唔趁機打落水狗咩，平手盤撐主隊。
（周五晚6時開賽）文:法達斯維
雙方下周中都要出戰亞冠精英盃，勝利船要造訪泰港，鹿角則迎戰紐卡素噴射機，唔多唔少都要作出輪換。雖然勝利船仍有唔少傷兵，好彩前鋒大迫勇也同武藤嘉紀及時復出，佢哋各項賽事4連勝，包括聯賽連贏大阪櫻花、東京綠茵及長崎成功丸，依家升上次席，只係落後町田澤維亞3分，氣勢如虹。
鹿角跌Watt靠唔住
相反，聯賽開咧4連勝嘅鹿角，近兩仗突然跌Watt，先後輸畀水戶蜀葵同浦和紅鑽，令人大跌眼鏡，仲畀勝利船過頭跌落第3位，狀態轉差信唔過。翻查紀錄，勝利船近5次主場對住鹿角，取得4勝1和未輸過，加上兩軍狀態一升一跌，寧買當頭起，平手盤捧勝利船最穩陣。