今晚英超頭場上演「東北打吡」，紐卡素主場迎戰「黑貓」新特蘭，雖然兩隊目前分列聯賽中游，但積分只差兩分，今場可謂「6分波」，對雙方爭排名影響甚大，加上打吡戰唔輸得，戰意毋庸置疑。文:謝德謙
紐卡素今季表現一直起伏不定，近6場聯賽勝負參半，尤其防線不時出現漏洞，成為一大隱憂。反觀新特蘭近期作客演出相當硬淨，曾擊敗列斯聯兼逼和般尼茅夫，絕對有力搶分。
紐卡素中場辛度東拿利賽前需要通過體能評估，佢能否上陣將直接影響中場控制力。加上「喜鵲」鋒線問題仍未解決，新兵禾達美迪今季表現未達預期，尤尼韋沙亦受傷患困擾，令進攻火力打折扣。
臨場發揮勝負關鍵
新特蘭以整體性打法見稱，防守組織嚴密之餘，反擊效率亦相當高，而且今季首循環曾憑對手烏龍球擊敗紐卡素，心理上略佔上風，相信作客拎到1分感到滿意，前提係球隊戰術執行到位。總括而言，紐卡素勝在個別球員質素，新特蘭則靠整體組織同效率取勝。臨場發揮同細節處理，往往就係分野所在。（Now 621及611周日晚8時直播）